Në përputhje me legjislacionin e Kosovës dhe normat evropiane

Hartimi i projekteve – elaborateve të mbrojtjes nga zjarri

Nga koncepti i mbrojtjes deri te miratimi dhe zbatimi: elaborate të plota, të koordinuara me projektin e objektit dhe të hartuara nga byroja jonë projektuese, me inxhinierë të kualifikuar brenda kompanisë dhe projektues të autorizuar nga Agjencia për Menaxhimin e Emergjencave.

Kërko ofertë Shkarko përshkrimin (PDF)

Kompania: TEKNIKU GROUP SH.P.K.Emri tregtar: TEKNIKU SAFETY · Nr. i biznesit: 812293984
Autorizimet e projektuesit: AME nr. 164/02 · 165/02Hartimi i elaborateve; projektimi i sistemeve të detektimit, alarmit dhe shuarjes
Byroja projektuese: Inxhinierë brenda kompanisëEkip i kualifikuar projektues; çdo dokument verifikohet nga një inxhinier i dytë

Elaborate

Pjesa tekstuale, llogaritjet dhe fletët grafike.

Projektim i sistemeve

Detektimi, alarmi, hidrantet, shuarja, tymi.

Planet e evakuimit

Për çdo kat, sipas ISO 23601.

Deri në miratim

Dorëzimi, sqarimet dhe pranimi teknik.

Kur kërkohet elaborati?

Elaborati i mbrojtjes nga zjarri është dokumenti teknik që përcakton masat e nevojshme për parandalimin e zjarrit, për kufizimin e përhapjes së tij, për evakuimin e sigurt të njerëzve dhe për ndërhyrjen efikase të njësive zjarrfikëse. Ai kërkohet në rastet e mëposhtme:

Leja ndërtimore

Për objekte të reja, sipas kërkesave të komunës dhe AME.

Rikonstruktimi ose zgjerimi

Kur ndryshojnë ndarjet, rrugët e evakuimit ose ngarkesa e zjarrit.

Ndryshimi i destinimit

P.sh. nga depo në objekt afarist, nga zyre në hotel.

Pranimi teknik

Kur kërkohet dëshmia e zbatimit të masave të mbrojtjes nga zjarri.

Inspektimet e AME

Për përmbushjen e vërejtjeve dhe rregullimin e gjendjes ekzistuese.

Kërkesat e sigurimeve dhe investitorëve

Vlerësime dhe raporte të pavarura teknike.

Llojet e objekteve

Objekte banimi dhe kolektive
Objekte afariste dhe zyra
Hotele, restorante, qendra tregtare
Spitale, shkolla, objekte publike
Fabrika, punëtori dhe depo
Objekte të larta (mbi 22 m)
Sisteme fotovoltaike (PV) në kulm dhe në tokë
Pika karburanti dhe objekte me rrezik të rritur

Çdo elaborat hartohet për objektin konkret: klasifikimi, ngarkesa e zjarrit dhe masat e mbrojtjes përcaktohen sipas destinimit, lartësisë, sipërfaqes dhe numrit të personave në objekt.

Përmbajtja e elaboratit

Përmbajtja e elaboratit hartohet në përputhje me Udhëzimin Administrativ (MPB) nr. 12/2017 për përmbajtjen e elaboratit për mbrojtje nga zjarri. Elaborati përbëhet nga pjesa tekstuale me llogaritjet dhe nga pjesa grafike, ndërsa struktura përshtatet sipas llojit dhe kompleksitetit të objektit.

Pjesa 1 · Pjesa tekstuale dhe llogaritjet

01Të dhënat e objektit, investitorit dhe projektuesve
02Baza ligjore dhe normat e zbatuara
03Klasifikimi i objektit sipas destinimit, lartësisë dhe rrezikut
04Llogaritja e ngarkesës specifike të zjarrit
05Ndarja në sektorë zjarri dhe rezistenca ndaj zjarrit e elementeve (EN 13501-2)
06Reagimi ndaj zjarrit i materialeve (EN 13501-1)
07Rrugët e evakuimit: gjatësia, gjerësia dhe kapaciteti
08Ndriçimi emergjent dhe sinjalizimi i sigurisë (EN 1838, EN ISO 7010)
09Sistemi i detektimit dhe alarmit të zjarrit (EN 54)
10Rrjeti hidrantor dhe furnizimi me ujë (EN 671, EN 14384)
11Llogaritja dhe shpërndarja e aparateve zjarrfikëse (EN 3-7)
12Shuarja automatike: sprinkler (EN 12845), gaz, kuzhina
13Nxjerrja e tymit dhe nxehtësisë (EN 12101)
14Instalimet elektrike, rrufepritësi (EN 62305) dhe sistemet PV
15Qasja dhe hapësirat për automjetet zjarrfikëse
16Masat organizative, mirëmbajtja dhe trajnimi
17Specifikacioni i pajisjeve dhe preventivi (BOQ)

Pjesa 2 · Fletët grafike

01Situacioni me qasjet për zjarrfikësit dhe hidrantet e jashtme
02Bazat e kateve me sektorët e zjarrit dhe masat e mbrojtjes
03Rrugët e evakuimit, daljet dhe ndriçimi emergjent
04Skemat e sistemeve: detektimi, alarmi, hidrantet, shuarja
05Planet e evakuimit dhe shpëtimit (ISO 23601)

Formati i dorëzimit

Elaborati i nënshkruar dhe i vulosur në formë të shtypur dhe elektronike (PDF), me fletët grafike në format DWG/PDF. Me kërkesë, raportet e koordinimit përgatiten edhe në anglisht.

Procesi i punës

1
Kërkesa dhe dokumentacioni
Pranojmë projektin arkitektonik dhe të dhënat e objektit dhe përcaktojmë qëllimin e elaboratit.
2
Vizita në terren
Për objektet ekzistuese: vlerësimi i gjendjes, i rrugëve të evakuimit dhe i sistemeve ekzistuese.
3
Koncepti i mbrojtjes
Klasifikimi, sektorët e zjarrit dhe sistemet e nevojshme, të koordinuara me arkitektin dhe projektuesit e instalimeve.
4
Hartimi i elaboratit
Pjesa tekstuale, llogaritjet dhe fletët grafike, sipas legjislacionit dhe normave të zbatuara.
5
Verifikimi i brendshëm
Kontrolli i cilësisë dhe verifikimi nga një inxhinier i dytë para nënshkrimit.
6
Dorëzimi dhe miratimi
Dorëzimi te komuna ose AME, sqarimet dhe plotësimet deri në miratim.
7
Mbështetja gjatë zbatimit
Konsultime gjatë ndërtimit, kontroll i zbatimit të masave dhe mbështetje për pranimin teknik.

Dokumentet që na nevojiten

Projekti arkitektonik (bazat, prerjet, fasadat) në DWG ose PDF
Destinimi i objektit dhe numri i parashikuar i personave
Leja ndërtimore ose dokumentacioni ekzistues (nëse ka)
Projektet e instalimeve elektrike dhe mekanike (nëse ekzistojnë)
Kontakti i investitorit dhe i projektuesit kryesor

Afati i hartimit

Përcaktohet sipas madhësisë dhe kompleksitetit të objektit dhe konfirmohet në ofertë, pas pranimit të dokumentacionit të plotë.

Shërbime shtesë

Projektimi i sistemeve

Sistemet e detektimit dhe alarmit të zjarrit, rrjeti hidrantor, sprinkler, shuarje me gaz dhe sisteme për kuzhina komerciale.

Planet e evakuimit

Plane evakuimi dhe shpëtimi për çdo kat, gati për vendosje në objekt.

Rishikimi i projekteve

Vlerësim i pavarur i elaborateve dhe projekteve ekzistuese dhe propozime për përmirësim.

Raporte koordinimi

Raporte integrimi dhe koordinimi me projektuesit e tjerë, edhe në anglisht për investitorë ndërkombëtarë.

Mbikëqyrja e zbatimit

Kontrolli i zbatimit të masave në terren dhe përgatitja për pranimin teknik.

Sistemet fotovoltaike

Elaborate të veçanta për sistemet PV: qasja e zjarrfikësve, ndarja e fushave dhe fikja e sigurt.

Pse TEKNIKU SAFETY?

Byro projektuese e vetë, me inxhinierë të kualifikuar të punësuar brenda kompanisë
Projektues të autorizuar nga AME për elaborate dhe për sistemet e detektimit, alarmit dhe shuarjes
Verifikim i dyfishtë i çdo dokumenti para dorëzimit
Njohje e legjislacionit kosovar dhe e normave evropiane EN
Përvojë me objekte afariste, industriale, publike dhe sisteme PV
Koordinim i drejtpërdrejtë me arkitektin dhe projektuesit e instalimeve
Zgjidhje të plota nga projekti deri te pajisjet dhe mirëmbajtja, së bashku me TEKNIKU SH.P.K.

Pjesë e grupit TEKNIKU

Pas miratimit të elaboratit, TEKNIKU SH.P.K. ofron furnizimin dhe instalimin e pajisjeve, servisimin e aparateve zjarrfikëse, testimin e rrjetit hidrantor, matjet e rrufepritësit dhe trajnimin e stafit – nga një partner i vetëm.

Baza ligjore dhe normat

Elaboratet hartohen në përputhje me legjislacionin në fuqi në Republikën e Kosovës dhe, aty ku legjislacioni vendor nuk e rregullon një fushë, sipas normave evropiane të harmonizuara.

Legjislacioni i Kosovës

Ligji nr. 08/L-261: Për mbrojtjen nga zjarri
Ligji nr. 04/L-110: Për ndërtimin
UA (MPB) nr. 12/2017: Për përmbajtjen e elaboratit për mbrojtje nga zjarri
UA (MPB) nr. 04/2018: Udhëzim administrativ i Ministrisë së Punëve të Brendshme
Rregullorja nr. 24/2012: Përfshirë klasifikimin e objekteve të larta (mbi 22 m)
Aktet e tjera nënligjore të AME: Kërkesat për planet e evakuimit dhe masat organizative

Normat evropiane

EN 13501-1 / -2: Klasifikimi i reagimit dhe i rezistencës ndaj zjarrit
EN 54: Sistemet e detektimit dhe alarmit të zjarrit
EN 12845: Sistemet automatike sprinkler
EN 671 · EN 14384: Hidrantet e brendshme dhe të jashtme
EN 3-7 · EN 1866-1: Aparatet zjarrfikëse
EN 12101: Kontrolli i tymit dhe nxehtësisë
EN 1838 · EN 50172: Ndriçimi emergjent
EN ISO 7010 · ISO 23601: Shenjat e sigurisë dhe planet e evakuimit
EN 62305: Mbrojtja nga rrufeja

Kërkoni ofertë për elaboratin tuaj

Na dërgoni projektin arkitektonik dhe të dhënat e objektit – oferta përgatitet pa pagesë.

Kërko ofertë →